Colhada des Clòts de Monnàs (2398 m) - Val d’Aran

(nota: la piulada és en aranés, tercera llengua oficial a Catalunya. Perdoneu, avui l'he escrit així i us convido a llegir-la, crec que tots la podreu entendre)


21.11.2010
Lola, Montse e Tossut
2h 20’ ascens, 1h descens
+/- 900 m
S2



Eth dia s'a lheuat damb solei e heired, mès tanben damb beres bromes nautes qu’anocien un nau cambi de temps... Era montanha de Vaquèira ei dejà fòrça blanca e pendent era setmana fòrça gent a pogut hèr es prumères esquiades. Lola, Montse e Tossut vam tà Bagergue, convençudes que per aquiu i poderam hèr bera causa luenh dera estacion... Gessem dera Bòrda dera Lana de Bagergue damb es esquís cauçats. Pòga nhèu mès suficienta entà traçar e non enlordir es pèths. En Plan de Moredo, entram ena val deth barranc d'Arenho. Ena petita cabana, mos arturam entà béuer un shinhau e campar er itinerari. Aquiu i a fòrça mès nhèu (40-60 cm) e reòsca, ei povàs! Ara seguida, guanham nautada, era traça ei arregraïda de daubrir, mès ath viatge, eth cèu se mos tape e comence a nheuar. Mos abrigam e contunham er itinerari enquia era Colhada des Clòts de Monnàs. Era visibilitat ei dejà regulara e nhèue damb mès intensitat. Atau que deisham eth Tuc dera Pincèla per un aute dia... era sason solet acabe de començar! Era baishada la hèm peth madeish itinerari de pujada, en tot cercar es pales damb mès nhèu. Es prumèrs viratges sense véder-mos-i guaire còsten un shinhau, mès dempús gaudim en tot esquiar damb ua nhèu plan bona! En Plan de Moredo, en lòc de baishar pes prats, agarram era pista enquia era Lana de Bagergue. Atau esvitam de non tocar damb bera pèira.

Bones traces e bona sason d'esquí de montanha!